Aeroporti

Aeroporti Ruzyně (Václav Havel Airport Prague) i Pragës është një aeroport ndërkombëtar modern e me sipërfaqe shumë të madhe, që gjendet në veriperëndim të Pragës dhe rreth 20 kilometra në veri të qytetit. Që të gjitha fluturimet ndërkombëtare ulen aty (në Pragë nuk ka tjetër aeroport civil).

Nga aeroporti drejt qendrës

Aeroporti Ružyně ndodhet 20 kilometra larg qendrës së Pragës. Taksitë e verdha AAA të aeroportit do t’ju çojnë në qendër për 700 Korona çeke. Ju mund të paguani në recepsionin e shërbimit të taksive në aeroport dhe ata do t’ju lëshojnë një kupon, të cilin do t’ia jepni shoferit. Por mënyra më e mirë është të para-paguash furgonat cilësorë Prague Airport Shuttle, të cilët të çojnë drejt e në hotel me një ujdi të leverdishme. Mënyra më e lirë për të shkuar në qytet është transporti publik. Hipini autobusit numër 59, që mbërrin për rreth 20 minuta nga aeroporti në stacionin e metrosë Nádraží Veleslavín. Që nga Nádraží Veleslavín do të kaloni katër ose pesë stacione deri në qendër të qytetit. Blini një biletë 40 Korona tek informacioni i sallës së mbërritjeve ose nga aparaturat me monedha në stacionin e autobusit të aeroportit.

Autobusët për në stacionin e metrosë Nádraží Veleslavín nisen çdo 10 minuta nga 4.15 deri në 23.30. Ju lutemi vini re se autobusi i fundit direkt për në stacionin e metrosë Nádraží Veleslavín është rreth orës 23.30 dhe i pari niset rreth orës 4.15 të mëngjesit. Përtej kësaj kohe marrja nga aeroporti me transport publik është e mundur vetëm nëpërmjet një autobusi nate me kombinim të tramvajit të natës, duke e bërë këtë udhëtim në qendër të qytetit shumë të papërshtatshëm, duke zgjatur deri në dy orë. Biletat kushtojnë 40 CZK, plus 20 CZK për një bagazh të madh.

Trolejbus 59

përfundon në 20 minuta në stacionin Nádraží Veleslavín. Transferimi në linjën A të metrosë për të shkuar në qendër.

Autobusi 100

përfundon në 20 minuta në stacionin Zličín. Transferimi në linjën B të metrosë për të shkuar në qendër.

Autobusi 191

përfundon në 55 minuta në stacionin e autobusëve Na Knížecí (stacionet e autobusit të Agjencisë Studentore, linja B e metrosë)

Autobusi 510

një shërbim nate çdo 30 minuta. Shkon në jug të qytetit. Koha e udhëtimit: përafërsisht. 45 minuta në stacionin I. P. Pavlova (afër sheshit Wenceslas).

Terminalet e Aeroportit të Pragës

Në të dy terminalet, salla e nisjes dhe salla e mbërritjes janë krah njëra-tjetrës, në të njëjtin kat.

Terminali 1 – Fluturimet ndërkontinentale, përfshirë edhe ato drejt Britanisë së Bashkuar, Irlandës, Amerikës së Veriut (SHBA, Kanada), Lindjes së Mesme, Afrikës dhe Azisë.

Terminali 2 – Fluturime brenda vendeve Schengen të Bashkimit Evropian dhe vende të tjera të Evropës.

Terminali 3 – Aeroplanë të vegjël me qira, aeroplanë mallrash dhe fluturime private. Vizita zyrtare ose raste të tjera me rëndësi të veçantë.